В алтаре помещены иконы:

                                    Воскресение Господне.

                                                 Молитва

 

Слава Тебе, Господи Иисусе Христе, Боже мой, яко паки сподобил мя еси недостойного, прешедша поприще святаго поста, поклонитися Божественным Страстем Твоим и видети всерадостный день преславнаго из гроба Воскресения Твоего, воньже свободил еси сущия во аде от век связанныя души праведных. Тоя Божественныя свободы духа и плоти, дражайший Спасителю мой, и аз желаю, да разреши мя, связана суща многими грехи, и да сотвориши возсияти живоносному свету Воскресения Твоего во мрачней души моей: вижду бо безчисленныя щедроты и неизреченное человеколюбие Твое, яко не точию от небытия в бытие мя приведеси, и образа Твоего подобием украсив, всеядольния твари владыку поставил мя еси, но и посем падша с высоты и врагу поработившася, не оставил еси, но, искупив мя безценною Кровию Твоею, благодатию крещения снабдил мя еси, да востеку на первое достояние. Аз же, окаянный, запят быв умом плотским, обратихся вспять и паки раб сотворихся греха и страстей, донедеже един по единому погубих вся дары благодати Твоея. И ныне убо, что сотворю, не вем: обаче помянув глаголы пречистых уст Твоих, яко не пришел еси призвати праведники, но грешники в покаяние, и аз, яко един от сих, с верою и смирением прихожду к Живоносному Гробу Твоему, не ароматы и воню мира носяй (наг бо есмь и пуст благих дел), но паче надежду имый обрести в нем прощение грехом моим и обновление нечистому житию моему. Призри убо на мя, кающася и служити Тебе хотяща, и не отрини от благодати Воскресения Твоего! Живоносною смертию Твоею и погребением умертви моя лютыя страсти, да яко мертв и погребен живу в мире сем. Преславным востанием Твоим воздвигни мою душу, умерщвленную грехи, и оживи совесть, еяже ничтоже в мире нужнейше есть. Вознесением Твоим отторгни мя от суетных и душетленных благ земных, и сотвори мя горняя мудрствовати, яко да не ктому себе живя и угождая, но Тебе, Господу и Богу моему, служа и работая, якоже сподобихся поклонитися Воскресению Твоему на земли, тако сподоблен буду видети Тебе, дражайшаго Искупителя моего, и на Небеси, за приятие смерти крестныя славою и честию венчанна, и став одесную величествия Твоего, со Архангелы и Ангелы, и со всеми искупленными Тобою братиями моими, во веки веков пою Тебе: Аллилуиа. Аминь.

   

                                  Моление о чаше.

                                Икона Моление о чаше

  В саду Иисус пал на колени и стал молиться: ”Отче! О, если бы ты благоволил пронести чашу сию минуту мимо меня! Впрочем, не Моя воля, но Твоя да будет!" Он молился так сильно, что пот его был, как капли крови, падающие на землю. Вернувшись к ученикам, Он нашел их спящими и, разбудив их, сказал: ”Так не могли вы один час бодрствовать со Мною? Бодрствуйте и молитесь, чтобы не впасть в искушение: дух бодр, плоть же немощна”. Отойдя от них, Он опять молился, говоря: “Отче мой! Если не может чаша сия миновать Меня, чтобы Мне не пить ее, да будет воля Твоя”. В этой молитве Христос говорил о чаше страданий, которую Он должен был испить за грехи наши. Никто не может даже представить себе всей глубины ее горечи и ужаса. Но Сын Божий принял ее покорно. Он знал, что жертвует собой, чтобы спасти каждого из нас. Если бы Он не испил этой чаши страданий, наши грехи остались бы неискупленными.

 

                 Спаситель в терновом венце.

  

                         

                                  Молитва

Помилуй мя, Боже, помилуй мя.
Ныне приступих аз грешный и обремененный к Тебе, Владыце и Богу моему; не смею же взирати на небо, токмо молюся, глаголя: даждь ми, Господи, ум, да плачуся дел моих горько.
О, горе мне грешному! Паче всех человек окаянен есмь, покаяния несть во мне; даждь ми, Господи, слезы, да плачуся дел моих горько.
Слава: Безумне, окаянне человече, в лености время губиши; помысли житие твое, и обратися ко Господу Богу, и плачися о делех твоих горько.
И ныне: Мати Божия Пречистая, воззри на мя грешного, и от сети диаволи избави мя, и на путь покаяния настави мя, да плачуся дел моих горько

                

                                    Пророк Илия.

  

 

                                                Молитва

 О святый славный пророче Божий Илие, великий закона Божия ревнителю. Ты изрядный и храбрый во убиении Вааловых жерцев отмститель был еси: яко славу Божию не умоляему, но умножаему во веки видети восхотел еси, и толико многороднаго их неистовства не убоялся еси, яко Иезавелины жерцы на потоце Киссове ножем заклал еси, последи же яко вихрем на огненней колеснице взят быв, на высоту небесную со славою возшел еси. Сего ради мы, недостойнии и грешнии, смиренно молимся тебе, честный Божий пророче: сподоби достойно славити и воспевати пречестное твое заступление, да обретше тя великаго ходатая, богатыя милости от Господа сподобимся.

Темже и ныне, славно ублажающе тя, молим: огради миром державу нашу, и избави нас от всякого навета вражия, от глада, и труса, и огня молниина, и не забуди ны, грешныя, пресветлую память твою праздующия и непрестанно славящия прославльшаго тя Господа во веки веков.

Аминь.